थानकोट ।

नेपाली बजारमा साताको अन्तिम दिन सुनको मूल्य फेरि बढेको छ।

नेपाल सुनचाँदी व्यवसायी महासंघका अनुसार शुक्रबारका लागि सुनको कारोबार मूल्य प्रतितोला १ लाख ३ हजार ९ सय रुपैयाँ निर्धारण भएको छ।

बिहीबारका तुलनामा तोलामा ५ सय रुपैयाँ बढेको हो। बिहिबार भने अघिल्लो दिनका तुलनामा २ सय रुपैयाँ बढ्दै कारोबार मूल्य प्रतितोला १ लाख ३ हजार ४ सय रुपैयाँमा थियो।

चाँदीमा पनि झिनो वृद्धि छ। ५ रुपैयाँले बढेर प्रतितोला १३ सय ६५ रुपैयाँ भएको छ। बिहीबार ५ रुपैयाँ घट्दा प्रतितोला १३ सय ६० रुपैयाँमा कारोबार भएको थियो।

पछिल्लो समय अन्तर्राष्ट्रिय बजारमा सुनको माग बढ्न थालेपछि मूल्य बढ्दै गएको व्यवसायीहरुले बताएका छन्।