थानकोट ।

कतारमा जारी फिफा विश्वकप फुटबल २०२२ अन्तर्गत आज समुह ‘सी’ र ‘डी’ का खेलहरु हुँदैछन् । आज समूह ‘सी’ का दुई टोली अर्जेन्टिना र साउदी अरेबियाबीच प्रतिस्पर्धा हुनेछ । खेल कतारको लुसेल स्टेडियममा अपरान्ह पौने ४ बजे हुनेछ । दुईपटक विश्वकप उपाधि जितेको अर्जेन्टिना साउदीसँग विश्वकपमा पहिलो पटकपटक भिड्दैछ । 

अर्जेन्टिनाले सन् १९७८ र ८६ गरेर दुई पटक विश्वकप उपाधि जितेको थियो । अर्जेन्टिनाले हालसम्म १८ पटक विश्वकप खेलिसकेको छ भने साउदी अरबले छैटौंपटक विश्वकप खेल्दैछ । यस्तै, समूह डी का दुई टोली डेनमार्क र ट्युनिसियाबीच पनि आजै प्रतिस्पर्धा हुनेछ । यी दुईबीचको खेल साँझ पौने ७ बजे सुरु हुनेछ । विश्वकप अन्तर्गत आजै हुने तेस्रो खेलमा पोल्याण्ड र मेक्सिकोबीच प्रतिस्पर्धा हुनेछ ।