थानकोट ।

वेष्टर्न युनाइटेड क्लबको आयोजनामा आजबाट तेश्रो चन्द्रागिरि वडास्तरिय फुटसल प्रतियोगिता हुँदैछ । मच्छेगाउँस्थित मत्स्य फुटसलको एरिनामा सञ्चालन हुने प्रतियोगितामा नगरभित्रका १५ वडाका २२ टिमबीच प्रतिष्पर्धा हुने बताइएको छ ।

प्रतियोगिताको पहिलो खेलमा शुक्रबार बिहान ८ः३० बजे चन्द्रागिरि नगरपालिका वडा नं. ९ ए र १२ ए बीच प्रतिष्पर्धा हुने खेल तालिका छ । प्रतियोगिताको उपाधी विजेताले ८० हजार रुपैयाँ पुरस्कार हात पार्दा उपविजेताको भागमा ४० हजार रूपैयाँ हात पर्नेछ ।

आज प्रतियोगिताको पहिलो चरणका ६ खेल हुनेछन् भने १० वटा टिमले बाइ पाउँदै सिधै अघिल्लो चरणम प्रवेश गरेका छन् । प्रतियोगिताको फाइनल भोलि (कार्तिक २६ गते शनिबार) साँझ ५ बजे खेलाइनेछ ।

तालिका हेर्नुहोस्ः