थानकोट ।

आसन्न प्रदेश र प्रतिनिधि सभा सदस्य निर्वाचनको प्रचारप्रसारमा लागि राजनीतिक दल तथा स्वतन्त्र उममेदवारहरू घनिभूत रूपमा खटिएका छन् ।

काठमाण्डाै क्षेत्र नं. ९ र १० मा पर्ने चन्द्रागिरि नगरमा पनि चुनावी अभियान जारी छ । उम्मेदवारहरू मतदाताको चुल्हो चुल्होमा पुग्दै उनीहरूलाई रिझाउने कार्यमा तल्लिन छन् ।

यसैबीच चन्द्रागिरि नगरपालिका-११ सतुंगलमा शुक्रबार नेपाली काँग्रेसले चुनावी सभा आयोजना गर्ने भएको छ ।

लाछी डबलीमा हुने सभालाई प्रधानमन्त्री एवं नेपाली काँग्रेसका सभापति शेरबहादुर देउवाले सम्बोधन गर्ने तालिका रहेको नेपाली काँग्रेस काठमाण्डाै क्षेत्र नं. १० प्रदेश २ का सभापति एवं क्षेत्र नं. १० का चुनाव प्रचारप्रसार संयोजक धर्मनन्द श्रेष्ठले जानकारी दिए । सो सभामा गठबन्धनका वरिष्ठ नेताहरूले पनि सम्बोधन गर्ने कार्यक्रम रहेको बताइएको छ ।

प्रधानमन्त्री देउवाले दिउँसो ३ बजे चुनावी सभालाई सम्बोधन गर्ने नेपाली काँग्रेस स्रोतले जानकारी दियो ।