थानकोट।

चन्द्रागिरि नगरपालिका-१० सतुंगल बोसिगाउँका प्रदिप महर्जनले गत साता सम्पन्न नवाैं राष्ट्रिय खेलकुद प्रतियोगितामा रजत पदक प्राप्त गरेका छन् ।

सशस्त्र प्रहरी बल टिमबाट प्रतियोगितामा सहभागिता जनाएका महर्जनले ५१ केजी ताैल समुहमा रजत पदक प्राप्त गरेका हुन् । यसअघि प्राप्त विवरणहरू अनुसार चन्द्रागिरि नगरका कराँते र उसु खेलका २ खेलाडीले तीन स्वर्ण पदक जितेका छन् । 

यसैबीच चन्द्रागिरि नगरपालिकाले गण्डकी प्रदेशमा सम्पन्न नवाैं राष्ट्रिय खेलकुदमा पदक प्राप्त गर्ने चन्द्रागिरि नगरमा स्थायी बसोबास गरिरहेका खेलाडी तथा प्रशिक्षकहरूको सम्मान गर्ने भएको छ । नगरपालिकाले कार्तिक १५ गतेसम्म नगरका सबै वडाहरूलाई पदक विजेता खेलाडी र प्रशिक्षकहरूको सूची नगरपालिकाको कार्यालयमा उपलब्ध गराउन पत्राचार गरिसकेको बताइएको छ।