थानकोट ।

नैकाप गोल्डकपको पाँचाै संस्करण सम्पन्न भएको छ । चन्द्रागिरि स्पोर्टस् एकेडेमीको आयोजनामा चन्द्रागिरि नगरपालिका नैकापस्थित फुटबल मैदानमा असोज १० गतेबाट सुरू भएको प्रतियोगिता शनिबार हजाराैं समर्थकहरूको माझ टाइब्रेकरमा तारकेश्वर युथक्लबलाई पुनः विजेता चुन्दै नैकाप गोल्डकपको पाँचाैं संस्करण सकिएको हो ।

प्रतियोगिताको व्यक्तिगत विधातर्फ उपाधि विजेता तारकेश्वर युथ क्लबबाट दुई , उपविजेता ब्लु बेल एफसीबाट दुई तथा सेमिफाइनलिष्ट गोल्डस्टारबाट एक जना सर्वोत्कृष्ठ घोषित भए । प्रतियोगिताको सर्वोत्कृष्ठ खेलाडी ब्लु बेलका सुजित बुढाथोकी चुनिँदा सोही टिमका सबिन खड्का सर्वोत्कृष्ट डिफेण्डर  चुनिए ।

गोल्ड स्टारका मिशन लामा उच्च गोलकर्ताको ट्रफि जित्न सफल रहे उनले प्रतियोगितामा सर्वाधिक पाँच गोल गरेका थिए । त्यस्तै, सर्वोत्कृष्ठ प्रशिक्षक तारकेश्वरका राजु माली र सर्वोत्कृष्ट गोलरक्षक सोहि टिमकासमित श्रेष्ठ चुनिँदै जनही नगद पन्ध्र हजार रूपैयाँ तथा ट्रफी प्राप्त गर्न सफल रहे ।