थानकोट ।

नैकाप गोल्डकपको पाँचाैं संस्करणको दोश्रो सेमिफाइनल खेल बुधबार हुँदैछ ।

चन्द्रागिरि नगरपालिका नैकापस्थित फुटबल मैदानमा दिउँसो २ बजे प्रतियोगिताको दोश्रो सेमिफाइनल खेलमा साबिक उपविजेता ब्लु बेल एफसी र गोल्डस्टार युथ क्लब आमुनेसामुने हुनेछन् । सो खेलका विजेताले उपाधी भिडन्तमा साबिक विजेता तारकेश्वर युथक्लबको सामना गर्नेछ ।

क्वाटरफाइनल खेलमा युथ हसनटार क्लब माथि २-० को सहज जित दर्ता गर्दै ब्लु बेल सेमिफाइनल प्रवेश गरेको थियो भने गोल्डस्टारले क्लीन भिजनमाथि ३-१ को जित निकाल्दै प्रतियोगिताको अन्तिम चारमा स्थान सुरक्षित गरेको हो ।

यसअघि मंगलबार सम्पन्न पहिलो सेमिफाइनल खेलमा गणेशमान स्मृति फुटलस क्लबलाई ३-१ ले पराजित गर्दै तारकेश्वर फाइनल प्रवेश गरेको छ ।

फाइनल खेल कार्तिक ५ गते हुनेछ ।