थानकोट ।

पश्चिम काठमाण्डाैकै प्रतिष्ठित फुटबल प्रतियोगिता नैकाप गोल्डकपको सेमिफाइनल खेलहरू मंगलबारबाट सुरू हुँदैछन् ।

पाँचाै संस्करणको प्रतियोगिताको पहिलो सेमिफाइनलमा मंगलबार दिउँसो २ बजे साबिक विजेता तारकेश्वर युथ क्लब र गणेशमानस्मृति फुटसल क्लबबीच खेल हुनेछ । खेल चन्द्रागिरि नगरपालिका नैकापस्थित फुटबल मैदानमा हुनेछ ।

तारकेश्वरले क्वाटरफाइनलमा वाणस्थली युथ सोसाइटी विरूद्ध १-० को संघर्षपूर्ण जित निकाल्दै प्रतियोगिताको अन्तिम चारमा प्रवेश गरेको हो । त्यस्तै गणेशमान स्मृतिले क्वाटरफाइनलमा गुणकेशरी युथ क्लब माथि २-० को सहज जित निकाल्दै सेमिफाइनलमा प्रवेश गरेको हो ।

प्रतियोगिताको दोश्रो सेमिफाइनलमा बुधबार साबिक उपविजेता ब्लुबेल एपसी र गोल्डस्टार युथबीच खेल हुनेछ ।