थानकोट ।

चन्द्रागिरि नगरपालिकाले नगर क्षेत्रभित्रका कृषकहरूका लागि घाँसको बिउ निःशुल्क वितरण गर्ने भएको छ ।
नगरपालिकाले दुग्ध र मासु उत्पादन व्यवसायमा संलग्न कृषक तथा व्यवसायीहरूका लागि जै घाँसको बिउ वितरण गर्न लागेको नगरका प्रमुख प्रशासकीय अधिकृत जीवन प्रसाद आचार्यले जानकारी दिए ।

नगरपालिकाले उपलब्ध गराउने निःशुल्क घाँसको बिउ प्राप्तिका लागि पशुपालक कृषकहरूले सम्बन्धित वडा कार्यालयमा व्यवसाय दर्ता गर्नु पर्नेछ ।

कार्तिक १५ गतेबाट पशु सेवा शाखा बलम्बुबाट प्राप्त गर्न सकिने घाँसको बिउ लिन सम्बन्धित वडा कार्यालयको सिफारिस अनिवार्य गरिएको बताइएको छ।