थानकोट ।

साबिक उपविजेता ब्लु बेल एफसी जारी पाँचाैं नैकाप गोल्डकपको सेमिफाइनलमा प्रवेश गरेको छ ।

शुक्रबार भएको क्वाटरफाइनल खेलमा युथ हसनटार क्लब माथि २-० को सहज जित दर्ता गर्दै ब्लु बेलले उपाधीमा दाबेदारी पेश गरेको हो ।

ब्लु बेलका लागि पहिलो हाफमा सुजित बुढाथोकीले पहिलो गोल गरेका थिए । त्यस्तै, ब्लु बेलका संजोग महर्जनले दोस्रो गोल गर्दै टिमको उापधि यात्रा सुनिश्चित गरे ।

युथ हसनटारले पाएको गोल गर्ने केहि अवसर खेर फालेको थियो । ब्लु बेलका सुरज ज्यु ठकुरी म्यान अफ दि म्याच चुनिए । ब्लु बेलले फाइनल प्रवेशका लागि शनिबार हुने क्लिन भिजन यूनिटी र गोल्डस्टार युवा क्लबको खेलको विजेतासँग कार्तिक २ गते प्रतिस्पर्धा गर्नेछ ।