थानकोट ।

गायन रियालिटी शो इन्डियन आइडलको १२ औं संस्करणका विजेता पवनदीप राजनले गाएको पहिलो नेपाली गीतको म्युजिक भिडियो सार्वजनिक गरिएको छ ।

शुक्रबार म्युजिक नेपालको युट्युब च्यानलमार्फत सार्वजनिक गरिएको गीत ‘तिम्रो हाम्रो भेट कहिले हुने हो’ पवनदीपको पहिलो सोलो नेपाली गीत हो । यसअघि भने उनले इन्डियन आइडल-१२ कै फाइनलिस्ट अरुणिता कन्जिलालसँग ‘घाम झैं बलेकी’ गीत गाएका थिए । उक्त गीत पनि निकै रुचाइएको थियो ।

आफ्नी मायालुलाई भेट्ने तीव्र अभिलाषाको भाव व्यक्त गर्ने गीतलाई उदयराज पौडेलले एरेन्ज गरेका छन् ।

आकाश श्रेष्ठ र मलिका महतलाई रोमान्टिक मुद्रामा चित्रण गरिएको गीतको भिडियोलाई भुषण दाहालले निर्देशन गरेका छन् । डोरबहादुर कटुवाल र प्रकाश गोपालीले खिचेको भिडियोमा पदम तिमिल्सिनाको सम्पादन छ । भिडियोका सहायक निर्देशक राजु याक्चा हुन् ।

सो गीतको म्युजिक भिडियो तनहुँको बन्दीपुर तथा काठमाण्डाैका विभिन्न स्थानमा छायांकन गरिएको सिनेमेटोग्राफर प्रकाश गोपाली जानकारी दिए ।