उपाधीको दाबेदार कुर्दन फुटबल एकेडेमी जारी पाँचाै संस्करणको नैकाप गोल्डकपबाट बाहिरिएको छ ।

बुधरबार सम्पन्न खेलमा गणेशमान स्मृति फुटसल क्लबसँग पेनाल्टी सुटआउटमा पराजित हुँदै कुर्दन प्रतियोगिताबाट बाहिरिएको हो । गणेशमान स्मृति फुटसल भने प्रतियोगिताको क्वाटरफाइनल प्रवेश गरेको छ ।

निर्धारित समयमा खेल १-१ गोलको बराबरीमा सकिएपछि खेल ट्राइबेकरमा धकेलिएको थियो । नैकाप फुटबल मैदानमा सम्पन्न खेलको दोश्रो हाफमा कुर्दनका लागि राजन श्रेष्ठले गोल गरेका थिए । गणेशमान स्मृतिका लागि निसान धानुकले खेल सकिन केहि मिनेट बाँकी रहँदा गोल गर्दै खेलमा यूटर्न गराउन सफल भए । गणेशमान स्मृतिका गोलरक्षक विक्रम थापा मगर म्यान अफ दि म्याच चुनिए । गणेशमान स्मृतिले क्वाटरफाइनलमा असोज २९ गते गुणकेशरी युथ क्लबको सामना गर्नेछ ।