थानकोट । 

पाँचाैं नैकाप गोल्डकपको दोश्रो चरणका खेलहरू सम्पन्न भएका छन् । दोश्रो चरणका खेलहरू सकिएसँगै प्रतियोगिताको क्वाटरफाइनल समिकरण पूरा भएको छ । 

बुधबार दोश्रो चरण अन्तर्गतको अन्तिम खेलमा गणेशमान स्मृति फुटसलले सडेन डेथमा कुर्दन फुटबल एकेडेमीलाई पराजित गरेसँगै प्रतियोगिताको अन्तिम ८ टोलीको टुंगो लागेको हो । 

आयोजक चन्द्रागिरि स्पोर्टस् क्लबका अनुसार तेश्रो चरणका खेलहरू असोज २८ गते शुक्रबारबाट सुरू हुनेछन् ।  सेमिफाइनल प्रवेशका लागि शुक्रबार ब्लु बेल एसी र युथ हसनटारबीच मध्यान्ह १२ः३० बजे खेल हुनेछ । त्यस्तै शुक्रबार नै तारकेश्वर युथ क्लब र वाणस्थली युथ सोसाइटीबीच दिउँसो २ः३० बजे खेल हुने तालिका रहेको छ ।

त्यस्तै, तेश्रो चरण अन्तर्गत नै गुणकेशरी युथ क्लब र गणेशमान स्मृति फुटसलबीच शनिबार मध्यान्ह १२ः३० बजे खेल हुनेछ भने गोल्डस्टार युवा क्लब र क्लिन भिजन यूनिटीबीच सोही दिन दिउँसो २ः३० बजे खेल हुने तालिका छ ।

पाँच लाख रूपैयाँ पुरस्कार राशी रहेको प्रतियोगिताको फाइनल खेल कार्तिक ५ गते हुनेछ ।