थानकोट ।

६० क्लबको सहभागिता रहेको शहीद स्मारक सी डिभिजन लिग छनोट फुटबल प्रतियोगिता अन्तर्गत लिग चरणको आफ्नो पहिलो खेलमा थानकोटस्थित वीआर ब्रदर्श फुटबल क्लबले अंक बाँडेको छ ।

मंगलबार एन्फा कम्प्लेक्स सातदोबाटोमा सम्पन्न समुह एच अन्तर्गत गोलबजार स्पोर्टस् क्लब र वीआर ब्रदर्शबीचको खेल १-१ गोलको बराबरीमा सकिएको हो ।

वीआर ब्रदर्शले  खेलको पहिलो हाफमा १-० को अग्रता लिएको थियो । दोश्रो हाफमा गोलबजार स्पोर्टस् क्लबले गोल फर्काएको थियो । त्यसपछि खेलमा कुनै गोल नहुँदा दुवै टोलीले १-१ अंक बाँडे ।

वीआर ब्रदर्शका लागि संजिवआलेले गोल गरेका थिए ।

असोज २९ गते वीआर ब्रदर्शले भक्तपुरे क्लब एफसी रियालेसँग लिगको दोश्रो तथा अन्तिम खेल खेल्ने तालिका रहेको छ । तीन टोली रहेको समुह एच बाट शीर्ष स्थानमा रहने टोली नकआउट चरणमा प्रवेश गर्नेछ । 

शहीद स्मारक ‘सी’ डिभिजन लिग छनोटमा सहभागी क्लबलाई २० समूहमा विभाजन गरिएको छ । प्रतियोगिताको हरेक समूहमा तीन टोली छन् । असोज ६ गतेदेखि कात्तिक २४ गतेसम्म चल्ने प्रतियोगिताको हरेक समूहको विजेता नकआउट चरणमा प्रवेश गर्नेछ ।

नकआउट चरणमा पुग्ने टोलीलाई दुई समूहमा विभाजन गरिने र समूहका विजेता दुई टोली ‘सी’ डिभिजन लिगमा छनोट हुनेछन् ।

छनोट हुने दुई टोलीबीच उपाधिका लागि फाइनल भिडन्त गराइने एन्फाले जनाएको छ ।