थानकोट ।

चन्द्रागिरि नगरपालिकाका प्रमुख प्रशासकीय अधिकृत फेरिएका छन् ।

हालका प्रमुख प्रशासकीय अधिकृत निरज पाैडेलको रामेछाप नगरपालिकामा सरूवा भएपछि उहाँको स्थानमा जीवन प्रसाद आचार्यले सोमबार कार्यभार सम्हाल्नु भएको छ । सोमबार नै नगरपालिकाले फेरि स्वागत तथा भेटाैंला कार्यक्रम आयोजना गरि प्रमुख प्रशासकीय अधिकृत निरज पाैडेलको बिदाई गरि प्रमुख प्रशासकीय अधिकृत जीवन प्रसाद आचार्यको स्वागत गरेको छ ।

सो क्रममा चन्द्रागिरि नगरका नगरप्रमुख घनश्याम गिरी, उपप्रमुख बसन्ती श्रेष्ठ, नगरका वडाध्यक्षहरू लगायतको उपस्थिति रहेको थियो । आचार्य यसअघि अख्तियार दुरूपयोग अनुसन्धान आयोगमा कार्यरत हुनुहुन्थ्यो ।

हालका प्रमुख प्रशासकीय अधिकृत निरज पाैडेल करिब १९ महिना अघिबाट चन्द्रागिरि नगरपालिकाको प्रमुख प्रशासकीय अधिकृतका रूपमा कार्यरत हुनुहुन्थ्यो ।

तस्बिरः हेलो चन्द्रागिरि नगरपालिका, नगर कार्यपालिकाको कार्यालय, वलम्बु, काठमाडौं