मापसे गरेर कलेज गइरहेका देशकै महंगो मध्येको एक कलेजका विद्यार्थी ट्राफिक प्रहरीको फन्दामा
Thankot Times
२०७९ भदौ २० गते १३:१४
थानकोट ।
नयाँ बानेश्वरस्थित चेल्सी इन्टरनेशनल कलेजमा पढ्ने एक जना विद्यार्थी बिहानै ट्राफिक प्रहरीको कारबाहीमा परेका छन् । मादक पदार्थ सेवन गरेर कलेज ड्रेसमै हिँडेका उनी दरबारमार्ग ट्राफिक प्रहरीको कारबाहीमा परेका हुन् ।
सोमबार कक्षा १२ मा अध्यनरत २१ वर्षीय विद्यार्थी बागमती प्रदेशको ०२-०२३प ७३ ८६ नम्बरको मोटर साइकलमा सवार थिए । स्कुल र विद्यार्थीको सुरक्षा लक्षित ट्राफिक चेकिङमा सोमबार बिहान ५१ जना चालक पक्राउ परेका छन् ।
ट्राफिक प्रहरीका अनुसार सवारी चालक अनुमतिपत्र प्राप्त नगरेका २८ जना, कागजपत्र साथमा नभएका २१ जना र मादकपदार्थ सेवन दुई जना कारबाहीमा परेका हुन् ।
३० साउनदेखि चालेको उक्त अभियान अन्तर्गत हालसम्म १ हजार ८२ जना विद्यार्थी ट्राफिक कारबाहीमा परेका छन् ।
ट्रेन्डिङ
