थानकोट । 

चन्द्रागिरि नगरपालिकामा जारी पाँचाै संस्करणको नैकाप गोल्डकप अन्तर्गत बिहीबार सम्पन्न खेलहरूमा गोल्डस्टार युवा क्लब र कुर्दन फुटबल एकेडेमीले विजयी सुरूवात गरेका छन् । 

बिहीबार सम्पन्न दिनको पहिलो खेलमा समुह बी अन्तर्गत कुर्दन फुटबल एकेडेमीले गोल्डेन फ्लावर स्कुलविरूद्ध १-० को संघर्षपूर्ण जित हात पार्दै दोश्रो चरणमा गणेशमान स्मृति फुटसल क्लबसँगको भेट पक्का गर्यो । 

गोल्डस्टारका लागि कप्तान मिसन लामाले प्रतियोगिताको पहिलो ह्याट्रिक पुरा गरेका थिए । उनले पहिलो हाफ एक र दोस्रो हाफमा दुई गोल गरेका थिए भने युवराज ढकालले गोल्ड स्टारका लागि सुरूवाती गोल गरे ।

खेलका म्यान अफ दि म्याच मिसन लामा चुनिए ।

प्रतियोगिता अन्तर्गत शुक्रबार बलम्बु स्पोर्टस् क्लब र दिपशिखा युथ क्लबबीच दिनको पहिलो खेल हुनेछ भने दोश्रो खेलमा न्यू चन्द्रसूर्य क्लब र वाणस्थली युथ सोसाइटीबीच प्रतिस्पर्धा हुने बताइएको छ ।