थानकोट ।

छायांकार विदुर पाण्डेको हृदयघातले निधन भएको छ । चलचित्र प्राविधिक संघका अनुसार बिहान पौने ६ बजे काठमाडौंस्थित निवासमा उनको निधन भएको हो ।

उनको पार्थिव शरिरलाई अन्तिम संस्कारका लागि अहिले पशुपति आर्यघाट लगिएको छ । प्राविधिक संघका अध्यक्ष पुष्कर लामाका अनुसार अन्तिम श्रद्धान्जली दिन अहिले आर्यघाटमा फिल्मकर्मी र आफन्त उपस्थित छन् ।

चर्चित नेपाली फिल्महरु कागबेनी, स्वर र भुइँमान्छेमा छायांकारको रुपमा कार्य गरिसकेका पाण्डेले टेलिभिजनमा समेत काम गरेका छन् । फिल्म कागबेनीलाई पहिलो नेपाली डिजिटल फिल्म समेत मानिन्छ ।