थानकोट ।

बुधबार मध्यान्ह चन्द्रागिरि केबलकारमा विद्युत आपूर्तिमा समस्या उत्पन्न भइ केहीबेर केबलकार रोकिँदा यात्रुहरू बीचमै रोकिएका छन् । सो क्रममा परिवारसहित चन्द्रागिरि आएका राष्ट्रियसभा अध्यक्ष गणेश प्रसाद तिमिल्सिना केबलकारमा अड्किन पुगेको बताइएको छ । जिल्ला प्रहरी परिसर काठमाडौंका प्रवक्ता एसपी दिनेशराज मैनालीले केहीबेर केबलकार रोकिन पुगेको बताउँदै बेलाबेलामा समस्या आउन सक्ने भएकाले यसलाई सामान्य रुपमा लिनुपर्ने बताए ।

अध्यक्ष तिमल्सिनाका प्रेस संयोजक अशोक पौडेलले व्यक्तिगत कामका सिलसिलामा चन्द्रागिरि आएको पुष्टि गरेपनि थप विषय आफूलाई थाहा नभएको प्रतिक्रिया दिए । अध्यक्ष तिमल्सिना अहिले चन्द्रागिरि हिल्स पुगिसकेका छन् ।