थानकोट ।

चन्द्रागिरि नगरपालिकामा दाेश्राे राष्ट्रपति रनिङ्ग शिल्ड प्रतियोगिता सुरु भएकाे छ । चन्द्रागिरि नगरपालिकाका मेयर घनश्याम गिरीले बिहीबार नैकापस्थित ब्राइटफ्युचर माविमा प्रतियोगिताको शुभारम्भ गर्नुभयाे । प्रतियोगिता अन्तर्गत साे विद्यालयमा कबड्डी विधामा खेल भइरहँदा न्यु डायमण्ड एकेडेमीमा भलिबल विधामा सञ्चालन भइरहेकाे छ । त्यस्तै बाेसिगाउँमा मार्सल आर्ट्स विधाका खेल हुनेछन् । एथलेटिक्स अन्तर्गतका खेलहरु भने दशरथ रंगशालामा खेलाइने बताइएको छ ।

प्रतियोगितामा नगर क्षेत्रभित्रका करिब २५ विद्यालयका विद्यार्थीहरूले सहभागी जनाइरहेका छन् । प्रतियोगिता असार ४ गते सम्पन्न हुनेछ । दाेश्राे राष्ट्रपति रनिङ्ग शिल्ड प्रतियोगिता उद्घाटन गर्नुहुँदै नगरप्रमुख गिरीले विद्यालय स्तरका विद्यार्थीहरूकाे खेलकुद क्षेत्रमा आकर्षण बढाउने तर्फ विशेष कार्यक्रम सञ्चालन गरिने बताउनुभयो ।