चन्द्रागिरिमा नेकपा एमालेको खाता खुलेसँगै बलम्बुमा सेलिब्रेशन सुरू
Thankot Times
२०७९ जेठ २ गते १३:४४
थानकोट ।
स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ । चन्द्रागिरि नगरका वडा नं. १ देखी ६ सम्मको मतगणना सकिएको छ । अहिले चन्द्रागिरि ७, ८ र ९ को मतगणना जारी छ ।
प्राप्त विवरणहरू अनुसार चन्द्रागिरि नगरपालिका ६ महादेवस्थानको वडाध्यक्ष पदमा नेकपा एमालेका उम्मेदवार सन्जय सिग्देलको प्यानल विजयी भएको छ ।
सिग्देल निवर्तमान वडाध्यक्षसमेत हुन् । यस वडामा २१८५ मत खसेको थियो ।
चन्द्रागिरि नगरमा पहिलो जित पाएसँगै नेकपा एमालेका समर्थकहरूले अहिले नगर कार्यपालिकाको कार्यालय क्षेत्रमा बाजागाजा सहित विजय उत्सव मनाइरहेका छन् ।
तस्बिरहरू सामाजिक सञ्जालबाट ।
ट्रेन्डिङ
