थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ । चन्द्रागिरि नगरका वडा नं. १, २, ३ र ४ को मतगणना सकिएको छ ।

प्राप्त  पछिल्लो मतपरिणाम अनुसार चन्द्रागिरि ४ मा नेपाली काँग्रेसको प्यानल विशाल मतान्तरसहित विजयी भएको छ । कृष्णप्रसाद खड्गीको प्यानलले चन्द्रागिरि ४ मा विरासत जारी राखेको हो । खड्गीले १४२४ मत हात पार्दा नेकपा एमालेका उम्मेदवारले ७७६ मत पाए ।

प्यानल सहित दोश्रो कार्यकालका लागि नेपाली काँग्रेसका उम्मेदवारहरू विजयी भएपछि अहिले बलम्बुमा समर्थकहरूले बाजागाजा सहित विजय उत्सव मनाइरहेका छन्।