थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ ।

चन्द्रागिरि नगरपालिका वडा नं.  १, २ र ३ को मतगणना जारी रहँदा नगरप्रमुखमा नेपाली काँग्रेस तथा र उपप्रमुखमा नेकपा एमालेका उम्मेदवारहरूले अग्रता कायम राखेका छन् ।

पछिल्लो विवरण अनुसार ३७०० मत गणना हुँदा नगरप्रमुख पदमा नेपाली काँग्रेसका उम्मेदवार घनश्याम गिरीले १४१५ मत तथा नेकपा एमालेका उम्मेदवार उत्तम बहादुर राउतले १२८४ मत पाएका छन् ।

चन्द्रागिरि १ मा अहिले १९०० मत गणना भइसकेको छ भने १७०० मत गणना हुँदा मेयर पदको १०३ तथा उपमेयर पदको ५२८ मत बदर भएको छ । त्यस्तै वडाध्यक्ष पदको ९६ मत बदर भएको बताइएको छ ।