थानकोट, वैशाख ५ ।

नेकपा (एमाले) ले पार्टी कार्यालय स्थानान्तरण गर्ने भएको छ । तुलसीलाल अमात्य प्रतिष्ठानसँग मासिक ३ लाख रुपैयाँ भाडा तिर्ने गरी पार्टी मुख्यालय थापाथलीबाट ललितपुरको च्यासलमा राख्न लागेको हो।

च्यासलमा रहेको तुलसीलाल अमात्य प्रतिष्ठानमा एमालेले वैशाख ९ गतेदेखि पार्टी केन्द्रीय कार्यालय राख्दैछ। एमालेले पार्टी स्थापना दिवसको कार्यक्रम च्यासलमै गर्ने तयारी गरेको छ।

एमालेले ५ वर्षका लागि भवन भाडामा लिन लागेको हो र भवनमा बनेका संरचना ५ वर्षपछि प्रतिष्ठानकै हुने बताइएको छ ।