थानकोट, चैत्र २९ ।

आसन्न स्थानीय तहको निर्वाचनले मुलुक तातेको छ । हरेक टाेल तथा गाउँमा चुनावका चर्चा चल्न थालेका झन् । चन्द्रागिरि नगरपनि स्थानीय चुनावको राैनकले सिंगारिएको छ । दलहरू आ-आफ्ना तर्फबाट जनप्रतिनिधिका लागि उम्मेदवार छनोट गर्नका लागि दिनरात लागि परेका समाचारहरू छन् । यद्यपी यो समाचार तयार गर्दा सम्म प्रमुख  दलहरूले आफ्ना तर्फबाट उम्मेदवारहरू चयन गर्न सकेका छैनन् ।

कुल १,३६,९२८ जना जनसंख्या रहेको चन्द्रागिरि नगरमा चैत्र १३ २०७८ सम्म ४७ हजार २ सय ६४ मतदाता रहेका छन् यसर्थ यस नगरको प्रमुख तथा उपप्रमुख हुन करिब २० हजार मत पाउनुपर्ने देखिन्छ । वडागत रूपमा हेर्दा चन्द्रागिरि ११ सतुंगल सबैभन्दा कम मतदाता भएको वडाका रूपमा रहेको छ जहा १ हजार ५ सय ३९ जना मतदाता रहेका छन् भने सबैभन्दा धेरै मतदाता चन्द्रागिरि १२ बलम्बुमा रहेका छन् जहाँ ४ हजार ४ सय ५१ जना मतदाता रहेका छन् । वडागत मतदाता सूची हेर्दा आसन्न स्थानीय निर्वाचनमा चन्द्रागिरि ४, ८, १२, १४ र १५ निर्णायक रहने आंकलन गर्न सकिन्छ । निर्वाचन आयोगले सार्वजनिक गरेको मतदाता नामावली अनुसार यस्तो छ चन्द्रागिरि नगरमा मतदाताको संख्याः