थानकोट ।

चन्द्रागिरि नगरपालिका १ दहचोकमा चितुवाको आक्रमण परि एकजना घाइते भएका छन्। स्थानीय त्रिवेणी चोक नजिक चितुवाको आक्रमणमा परि पाचु चाैधरी घाइते भएका हुन ।  चाैधरीलाई आक्रमण गर्ने चितुवालाई जिल्ला वन कार्यालय काठमाण्डाैले प्रहरीको सहयोगमा नियन्त्रणमा लिएको छ । घाइते भएका चाैधरीको सशस्त्र प्रहरी बल अस्पताल बलम्बुमा उपचार भइरहेको महानगरीय प्रहरी वृत्त थानकोटले जनाएको छ।

पछिल्लो समय दहचोक क्षेत्रमा चितुवा आतंक बढिरहेको छ। हालसम्म प्रशासनले उक्त क्षेत्रबाट तीनवटा चितुवालाई नियन्त्रणमा लिइसकेको छ ।