थानकोट ।

आसन्न स्थानीय निर्वाचन को तयारीमा राजनीतिक दलहरू घनिभूत तयारीमा लागेका छन् । दलहरूले विभिन्न स्थानमा सम्पर्क कार्यालय, इकाई कार्यालय खोल्ने क्रममा चन्द्रागिरि नगरमा पनि जारी छ । शनिबार सत्तारूढ नेपाली काँग्रेसले चन्द्रागिरि ११ सतुंगलमा नगर कार्यसमितिको कार्यालय उद्घाटन गर्दैछ । बागमती प्रदेश सभापति ईन्द्र बहादुर बानियाँले उक्त कार्यालयको रिबन काट्ने जनाइएको छ ।

त्यस्तै सत्ता गढबन्धनको अर्को घटक नेकपा एकिकृत समाजवादीले चन्द्रागिरि ७ चेकपोष्टमा चन्द्रागिरि नगर कमिटिको कार्यालय सुरू गर्दैछ । उक्त पार्टीको कार्यालय पूर्व प्रधानमन्त्री एवं वरिष्ठ नेता झलनाथ खनालको उपस्थित हुने बताइएको छ ।