थानकोट, फागुन २९ ।

चन्द्रागिरि नगरपालिकाको पशु सेवा शाखाको भवन निर्माण अन्तिम चरणमा पुगेको बताइएको छ ।  नगर प्रमुख घनश्याम गिरीका अनुसार नगरपालिकाको विशेष पहल तथा अनुरोधमा नेपाल लाईभस्टक सेक्टर इनोभेसन प्रोजेक्टको आर्थिक सहयोगमा उक्त भवनको निर्माण  भइरहेको हो ।  पुर्वाधारको निर्माणपछि पशु सेवा शाखाबाट प्रवाह हुने सेवासुविधा थप व्यवस्थित तथा छिटो छरितो हुने अपेक्षा नगरले लिएको नगर प्रमुख गिरीले बताउनुभयो । नगरको प्रशासनिक भवन यसअघि नै निर्माण सम्पन्न भइसकेको छ ।  पशु सेवा शाखाको भवन चन्द्रागिरि १२ स्थित पुरानो पशु सेवा शाखा रहेको स्थानमा रहनेछ ।