थानकोट, फागुन २१ ।

चन्द्रगिरि स्पोर्टस् एकेडेमी नयाँ नैकापको संयोजनमा आयोजना आज बलम्बुस्थित डीआइजी फुटसलमा चन्द्रागिरि मेयर कप भेट्रान फुटसल आयोजना हुँदैछ । ८ टोलीले प्रतिस्पर्धा गर्ने प्रतियोगिताको विजेताले नगद ५० हजार रूपैयाँ प्राप्त गर्दा उपविजेताको भागमा पच्चीस हजार रूपैयाँ हात पर्नेछ ।

विधागत उत्कृष्ठ खेलाडीले जनही ५ हजार रूपैयाँ पाउनेछन् ।

प्रतियोगितामा चन्द्रागिरि नगरभित्रका ३५ वर्ष उमेर माथिका खेलाडीहरूले सहभागिता जनाउँदैछन् । बिहान १० बजे प्रतियोगिता नगरप्रमुख घनश्याम गिरीबाट उद्घाटनको तालिका निर्धारण गरिएको छ ।