चन्द्रगिरि स्पोर्टस् एकेडेमी नैकापको संयोजनमा आयोजना हुन गइरहेको चन्द्रागिरि मेयर कप भेट्रान फुटसल प्रतियोगिता सम्पूर्ण तयारी सकिएको छ । बलम्बुस्थित डिआजी फुटसलमा फागुन २१ गते शनिबार हुने प्रतियोगिताको विजेताले नगद ५० हजार रूपैयाँ प्राप्त गर्दा उपविजेताको भागमा पच्चीस हजार रूपैयाँ हात पर्नेछ । ८ टोलीले प्रतियोगितामा नाम दर्ता गरेको बताइएको छ ।

विधागत उत्कृष्ठ खेलाडीले जनही ५ हजार रूपैयाँ पाउनेछन् ।

प्रतियोगितामा चन्द्रागिरि नगरभित्रका ३५ वर्ष उमेर माथिका खेलाडीहरूले सहभागिता जनाउने आयोजक संस्थाका अध्यक्ष कृष्णहरि बस्नेतले  थानकोट टाइम्सलाई जानकारी दिनुभयो । प्रतियोगिता नगरप्रमुख घनश्याम गिरीबाट उद्घाटनको तालिका निर्धारण गरिएको छ ।