चन्द्रागिरि नगरकै प्रतिष्ठित फुटबल प्रतियोगिता थानकोट गोल्डकपको चाैथो संस्करण आयोजनामा केहि ढिलाई हुने भएको छ । कोभिड १९ को संक्रमणको जोखिम तथा मैदानको स्तरोन्नति, पूर्वाधार निर्माण भइरहेको कारण यस वर्ष थानकोट गोल्डकपको मिति तय हुन नसकेको चन्द्रागिरि गोल्डकपका संयोजक भुवन गिरीले थानकोट टाइम्सलाई जानकारी दिनुभयो । संयोजक गिरीले प्रतियोगितालाई थप परिष्कृत गर्नका लागि आयोजकले आवश्यक कार्य गरिरहेको बताउनु हुँदै गोल्ड कपको चाैथो संस्करणलाई थप व्यवस्थित गराउने तर्फ आयोजकले जोड दिनेछ ।

विगतमा महाशिवरात्रीका अवसरमा प्रतियोगिताको शुभारम्भ हुने गरेको थियो । चन्द्रागिरि- ०३ पिम्फली  खेल मैदानमा आयोजना हुने गरेको गोल्डकपलाई चन्द्रागिरि नगरमा प्रतिभावान फुटबल खेलाडी पहिचान गर्ने अवसरका रूपमा लिने गरिन्छ ।