थानकाेट ।

राष्ट्रिय लोक तथा दोहोरी गीत प्रतिष्ठान नेपाल केन्द्रीय समितिको आयोजनामा १६–१९ चैतसम्म भृकुटीमण्डपमा छैटौँ राष्ट्रिय रनिङ सिल्ड खुला राष्ट्रिय दोहोरी प्रतियोगिता हुने भएको छ । प्रतियोगितामा देशभरिबाट ७० समूह सहभागी हुनेछन् । दोहोरी गीतमा एक लाखभन्दा बढी दर्शकले अवलोकन गर्ने अपेक्षा आयोजकको छ । प्रतियोगिताभरि राष्ट्रिय कलाकारहरूले सांगीतिक प्रस्तुति दिनेछन् ।

प्रतियोगितामा पहिलो हुनेले दुई लाख २५ हजार रुपैयाँ पाउनेछन् । उपविजेताले एक लाख ५० हजार र तेस्रो स्थान हासिल गर्नेले एक लाख रुपैयाँ पाउनेछन् । यसैगरी चौथो स्थानमा रहनेलाई ५० हजार रुपैयाँ प्रदान गरिनेछ । उत्कृष्ट दुई पुरुष र महिलालाई दश हजार रुपैयाँ दिइनेछ । उत्कृष्ट वेशभूषा र अनुशासित समूहलाई जनही १० हजार रुपैयाँ दिइनेछ ।