राष्ट्रपति शैक्षिक सुधार कार्यक्रम अन्तर्गत चन्द्रागिरि नगरपालिका १७ विद्यालय छनोट भएका छन जसले विभिन्न शीर्षकमा एकमुष्ट बजेट प्राप्त गर्नेछन् ।

सोमबार सार्वजिनक गरिएको विद्यालयको सूचि अनुसार चन्द्रागिरि नगरका ६ विद्यालयले सिकाइ सामाग्री, उपलब्धि अभिवृद्धि शीर्षकमा प्रति विद्यालय ६ लाख ५० हजार बजेट पाउनेछन् । जसमा वनदेवी आधारभुत विद्यालय बलम्बु, इन्द्रज्योती आधारभुत विद्यालय दहचोक,जनचेतना अाधारभुत विद्यालय, प्रभात मावि चेकपोष्ट, श्रीकृष्ण मावि दहचोक तथा नारायणजन मावि मच्छेगाउँ रहेका छन् ।

तीन वटा विद्यालयले कक्षाकोठा निर्माणका लागि प्रति विद्यालय १८ लाखका दरले बजेट पाउनेछन भने खानेपानी सहितको शाैचालय निर्माणका लागि एउटा विद्यालयले ७ लाख रूपैंयाँ पाउनेछ । यो सूचिमा भीम मावि बाडभन्ञ्याङ, भैरवनाथ आधारभूत विद्याल बोसीगाउँ तथा कंकाली मावि पुरानो नैकाप रहेका छन् ।

त्यस्तै कम्प्युटर ल्याब स्थापनाका लागि विष्णुदेवि मावि तीनथानाले १३ लाख रूपैंयाँ प्राप्त गरेको छ । त्यस्तै पुस्तकालय तथा विज्ञान प्रयोगशाला निर्माण शीर्षकमा विद्यामन्दिर मावि पुरानो नैकापले ६ लाख ५० हजार रूपैयाँ पाउनेछ ।

शिक्षामा नविन प्रविधि प्रर्वर्धन शीर्षकमा जनविकास मावि मातातीर्थले ६ लाख ५० हजार रूपैयाँ पाउनेछ ।

त्यस्तै विशेष विद्यालय शीर्षकमा सिर्जनशील अपांग पुनःस्थापना विशेष शिक्षा विद्यालयले १० लाख रूपैयाँ पाउने उक्त सूचिमा उल्लेख गरिएको छ ।