आईसीसी पुरुष टी–ट्वान्टी विश्वकप ग्लोबल छनोट अन्तर्गत नेपालले सोमबार क्यानडासँग खेल्दै छ। समुह चरणका दुवै खेल जितेको नेपाल क्यानडा विरूद्ध जित निकाल्दै शतप्रतिशत नतिजासहित अन्तिम ४ मा स्थान बनाउने क्रममा रहँदा क्यानडा नेपाल विरूद्ध फराकिलो जित निकाल्दै अन्तिम ४ मा स्थान बनाउने लक्ष्य साथ मैदान उत्रने छ ।

नेपालले यसअघि आयोजक ओमानविरूद्ध ३९ रनको सनसनीपूर्ण जित दर्ता गरेको थियो भने फिलिपिन्समाथि कीर्तिमानी जित निकालेको थियो । आज नै समुह ए मा रहेका आयोजक ओमान तथा फिलिपिन्सबीच पनि सोही समयमा नै खेल हुनेछ । ४ अंक सहित नेपाल समुहको शीर्षस्थानमा छ भने ओमान र क्यानडाको समान २-२ अंक छ, फिलिपन्सले कुनै अंक जोड्न सकेको छैन् ।