थानकोट, फागुन १५ ।

ललितपुरे फुटबल क्लब मच्छिन्द्र क्लब अपराजित रहँदै शहीद स्मारक ए डिभिजन लिग २०७८ च्याम्पियन बनेको छ । च्याम्पियन बनेसँगै  उसले ७५ लाख रुपैयाँ नगद पुरस्कार पाएको छ ।

दुई खेलअघि नै उपाधि पक्का गरेको मच्छिन्द्रले शनिबार अन्तिम खेलमा एपीएफलाई २-१ ले पराजित गरेकाे हाे । मच्छिन्द्र क्लब गत सिजनको डिफेन्डिङ च्याम्पियन हो ।

मनाङ मर्स्याङ्दीसँग १-१ काे बराबरी खेल्दै त्रिभुवन आर्मी एफसीले दाेस्राे स्थानमा लिग अन्त्य गर्दै ५० लाख रुपैयाँ पक्का गर्‍यो । यस्तै एनआरटी नेपाल पुलिस क्लबलाई ३-१ ले हराएर तेस्राे भयाे । एनआरटीले २५ लाख हात पार्‍यो ।