आइसिसी ट्वान्टी २० विश्वकप ग्लोबल छनोटअन्तर्गत तेस्रो स्थानको हुने खेलमा घरेलु टोली ओमानविरुद्ध नेपालले पहिले फिल्डिङ गर्दैछ । राजधानी मस्कटस्थित अल अमेरत क्रिकेट मैदानमा टस जितेका ओमानका कप्तान जिसन मक्सुदले पहिले ब्याटिङ गर्ने निर्णय गरे ।

आजै पाँचाै स्थानका लागि भएको खेलमा क्यानडाले बहराइन विरूद्ध ५ विकेटको जित निकाल्दा साताैं स्थानका लागि भएको खेलमा जर्मनीले फिलिपिन्समाथि ९ विकेटको विशाल जित दर्ता गर्यो ।

क्वालिफायरको फाइनलमा पुगेका संयुक्त अरब इमिरेट्स र आयरल्याण्डबीच उपाधीका लागि अहिले खेल हुँदैछ । टस जितेसँगै संयुक्त अरब इमिरेट्स विरूद्ध आयरल्याण्डले पहिले ब्याटिङ गर्नेछ । यी दुवै टोली यहि वर्ष हुने आइसिसी ट्वान्टी २० विश्वकपका लागि छनोट भइसकेका छन् ।